लमजुङ । लमजुङमा बदर मत घटाउन सबै पालिकामा नमुना मतदान अभ्यास गरिने भएको छ ।
जिल्लाका ८ पालिका मध्ये सदरमुकाम बेंसीसहरबाट मतदानको नमुना अभ्यास सुरु गरिएको छ। मतदाता शिक्षा प्रभावकारी बनाएर बदर मत कम गराउन नमुना अभ्यास गरिएको जिल्ला निर्वाचन अधिकारी नारायणप्रसाद सापकोटाले जानकारी दिए ।
सापकोटका अनुसार २३ गतेसम्म जिल्लाका ८ वटै स्थानीय तहमा नमुना मतदानको अध्यास गरिने छ। बेंसीसहरको फूलबारी मञ्चमा शनिबार ३८ जनाले नमुना मतदान गरेकोमा ९ मत बदर भएको छ। २९ मत सदर भएको छ। नमुना मतदान अभ्यासमा केही नागरिक, म्यादी प्रहरी र पत्रकारसमेत सहभागी थिए।
लमजुङमा कात्तिक १८ मा स्थानीय तहका निर्वाचन सम्पर्क अधिकारीलाई तालिम दिएपछि मतदाता शिक्षा कार्यक्रम सुरु भएको छ । मंसिर १ सम्म प्रत्येक पालिकाको वडामा स्वास्थ्य स्वयंसेविकाले घरदैलो गरेर मतदाता शिक्षा प्रदान गर्नेछन्।
हरेक स्थानीय तहमा प्रमुख प्रशासकीय अधिकृतको संयोजकत्वमा मतदाता शिक्षा समन्वय समिति रहेको हुन्छ। वडा सचिवको संयोजकत्वमा मतदाता शिक्षा सञ्चालन समिति छ। उक्त समितिले वडा तहमा मतदाता शिक्षा प्रभावकारिताबारे अनुगमन गर्ने, सचेत र मतदाता शिक्षा प्रभावकारी रूपमा सञ्चालन नगर्ने कर्मचारीलाई कारबाही गर्नेसम्मको अधिकार दिएको हुन्छ।
निर्वाचन कार्यालयका सूचना अधिकारी जिबाखर शर्माका अनुसार २० गते मध्यनेपाल नगरपालिकाको भोर्लेटारमा र क्व्होलासाोथार गाउँपालिकाको मालिङमा, २१ गते दोर्दीको नौथर शेरामा र मर्स्याङी गाउापालिका ८ को पञ्चविचार आवासीय विद्यालयमा, २२ गते दूधपोखरी गाउापालिकाको जोर्नेमा, २३ गते सुन्दरबजार नगरपालिका ६ को शान्ति निकेतन आवासीय मावि र राइनास नगरपालिकाको तिनपिप्लेमा नमुना मतदान अभ्यास गर्ने कार्यक्रम छ।
मुख्य निर्वाचन अधिकृत शिवप्रसाद खनालले मत बदर घटाउन मतदाता शिक्षालाई प्रभावकारी बनाउने बताए ।
एउटा मात्रै प्रतिनिधि सभा रहेको लमजुङमा ६५ हजार २ सय ७१ महिला र ६८ हजार २ सय ८८ पुरुष गरी कुल १ लाख ३३ हजार, ५ सय ५९ मतदाता रहेका छन् । प्रदेशसभा १ मा ६३ हजार ५ सय ७५ जना मतदाता छन भने, प्रदेशसभा २ मा ६९ हजार ९ सय ८४ मतदाता रहेका छन् ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
