लमजुङ । गण्डकी प्रदेशका संस्थापक मुख्यमन्त्री एवं नेकपा (एमाले) का उपमहासचिव पृथ्वीसुब्बा गुरूङले लमजुङबाट प्रतिनिधिसभामा उमेदवारी दिएका छन् ।
यसअघि प्रदेशसभामा उठेर पुन: मुख्यमन्त्री हुने ईच्छा राखेका गुरूङलाई पार्टी अध्यक्ष केपी शर्मा अाेलीले संघकाे टिकट दिएर पठाएका थिए । ईच्छाविपरित भएपनि उनले पार्टीकाे निर्णय मान्दै आईतबार संघमा उमेदवारी दर्ता गराएका छन् ।
उमेदवारी दर्तापछि सञ्चारकर्मीसंग कुरा गर्दै नेता गुरूङले प्रदेशमा पुन : मुख्यमन्त्री भएर अधुरा काम पूरा गर्ने ईच्छा भएपनि राष्ट्रिय परिस्थितिले संघमा उठ्नुपरेकाे बताए ।
‘प्रदेशमा मुख्यमन्त्री भएर सुन्यबाट सुरू गरेका अधुरा काम पूरा गर्ने नेतृत्वलाई ईच्छा जाहेर गरेकाे थिएँ’ नेता गुरूङले भने, ‘तर, नेतृत्वले प्रदेशमा भन्दा संघमा नै राष्ट्रिय स्वाधीनता, सुशासन र विकासका लागि पदाधिकारी तहका नेतृत्वकाे आवस्यकता रहेकाे बताएपछि यता आएकाे हुँ ।’
नेता गुरूङकाे नेकपा (माओवादी केन्द्र ) का महासचिव देवप्रसाद गुरूङसंघ प्रतिष्प्रधा हुने भएकाे छ । देव गुरूङले सत्ता गठबन्धनबाट उम्मेदवारी दिएका छन् ।
एमालेबाट प्रदेश क मा जमीन्द्रमान घले र ख मा कृष्णप्रसाद अधिकारी उम्मेदवार रहेका छन् ।
पाँच दलीय गठबन्धन हराएका पीएससँग कांग्रेस र रास्वपा आमनेसामने
लमजुङ । १२ वर्षपछि राजनीतिक दलहरुविच एक्ला–एक्लै प्रतिष्प्रर्धा हुन लागेपछि लमजुङमा राजनीतिक माहोल गर्माएको छ । यसो त तीन वर्षअघि...
