बेसीसहर चामे सडककाे खरखरे र दलदले भन्ने स्थानमा गएकाे पहिराे हटाउन नसकेकाे दुई महिना बढी भयाे । यी स्थानमा सडकसँगै स्थानीयकाे १५ राेपनी जति खेतियाेग्य जमिन पनि बगाएकाे छ ।
निरन्तर भैरहेकाे वर्षाका कारण पहिराे पन्छाउन नसक्दा सडक सुचारू हुन सकेकाे छैन । प्राविधिक, जनप्रतिनिधि, सराेकारवाला आदिले पटकपटक पहिराे निरिक्षण गरेपनि राेकथाम र नियन्त्रणकाे काम हुन सकेकाे छैन । यी दुई पहिराे नियन्त्रणका लागि २२ कराेडकाे ठेक्का लागिसकेकाे छ । तर निर्माण ब्यवसायीले काम सुरू गरेकाे छैन ।
सडक सुचारू गर्न नसकेकाे भनेर सर्वसाधारणले गुनासाे गरिरहेका छन् । शनिवार बिहान डुम्रे – बेशिसहर – चामे सडक डिभिजनका प्रमुख अच्युत बिलास पन्त सहित मस्याङ्दी गाउँपालिकाका अध्यक्षसहित स्थानीयले खरखरे पहिरोको स्थलगत अवलोकन गरेका छन् । पहिराे निरिक्षणपछि त्याहाँ देखिएकाे अबस्था र नियन्त्रण बारे अर्जुन गुरूङले राखेकाे अनुभुति जस्ताकाे तस्तै !
# सिङ्गो मनाङ जिल्ला र उत्तरी लमजुङलाई प्रत्यक्ष प्रभाव पार्ने यो सडक खन्डमा पर्ने यो पहिरो रोकथाम र सडकको स्तरोन्नतिमा सम्बन्धित सरकारको पर्याप्त ध्यान पुगेको छैन । दुबै जिल्लाको नेताहरुबाट बिशेश पहलकदमि हुन सकेन ।
# पहिरोको कारण त्यहीँबाट बग्ने पानी मुख्य देखिन्छ । जव सम्म त्यो पानीको उचित व्यवस्थापन हुन सक्दैन तव सम्म पहिरो रोकथाम हुन सक्ने देखिदैन तर पानीको व्यवस्थापन त्यति जटिल देखिदैन माथीबाटै पानीको व्यवस्थापन गर्न सकिने देखिन्छ धेरै पानीलाई तत्काल डाइबर्ट गरेर खोल्सिमा पठाउने काम शुरु गरिने भएकोछ । त्यसपछि मात्रै तलको सडक खुलाउन उपयुुक्त हुने भएकोले केहि दिनमा त्यो शुरु हुनेछ !
# पहिरो भन्दा माथीको खेति योग्य जमिनहरुमा धान खेति गरिने भएको हुँदा वर्षातको समयमा सबै खेतहरु जलमग्न हुने र त्यो पानी त्यहि पहिरोबाट बग्ने गरेकोले त्यो खेति योग्य जमिनहरुको किसानहरु सग समन्वय गरेर किसानहरुलाई धान खेतिको बिकल्पमा अन्य खेति तर्फ डाइबर्ट गरिनु पर्ने जसको लागि सरकरले त्यो क्षेत्रलाई फलफुल, तरकारी वा अन्य नगदेवालीको पकेट घोषणा गरेर सहयोग गर्नु पर्ने !
# तल सडक स्तरोन्नति र पहिरो रोकथाम सगै माथिल्लो भागमा माटो रोकथामको लागि आवश्यक कामहरु गरिनु जरुरी छ । माटो रोक्न सक्ने बाँस र अन्य बिरुवाहरुबाट बायोइन्जियरिङ्को काम समेत गरिनु पर्दछ ।
# त्यो पहिरोको रोकथाम र सडक स्तरोन्नतिको लागि लाग्ने खर्च र त्यसको टिकाउलाई समयमै अनुमान गरि बैकल्पिक उपायहरु बारे बेलैमा संघीय सरकारले ध्यान पुर्याउन जरुरि छ । बेलाउति बिसाउनामा एउटा पुल बन्ने योजना छदैछ अर्को थप एउटा पुल मालेबगरमा राख्दा पहिरोलाई छल्न सकिने देखिन्छ अव त्यो तर्फ पनि छलफल शुरु गरिनु पर्दछ ।
# पहिरोको कारण मर्स्याङ्दि गाउँपालिकावासी लगायत सिङ्गो मनाङ जिल्ला जाने यात्रीहरुले भोगेको दुख कस्ट हामीले नजिकबाट अनुभुति गरेकाछौ ! स्थानीय तहको तर्फबाट यो समस्याको समाधानको निम्ति आवाज उठाउनु र माथिल्लो सरकारलाई ध्यानाकर्षण गर्नुको विकल्प छैन । सम्पुर्ण मर्स्याङ्दि गाउँपालिकावासीको तर्फबाट प्रदेश तथा संघीय सरकारलाई बिशेश ध्यानाकर्षण गर्न चाहन्छु !
कुनै पनि सरकार आफ्नो दायित्वबाट भाग्न सक्दैन र हुन्न । जनताले पक्कै मुल्यांकन गर्नेछ ।
