लमजुङ । लमजुङका आठवटा स्थानीय तहमा मस्र्याङ्दी गाउँपालिकाको सबैभन्दा कम बेरुजु देखिएको छ । आर्थिक वर्ष २०८०÷०८१ को हिसावको महालेखा परीक्षकको कार्यालयले गरेको परीक्षणमा मस्र्याङ्दी गाउँपालिकाको बेरुजु सुन्य दशमलब ६३ प्रतिशत मात्र देखिएको छ ।
सो पालिकाको एक अर्व २५ करोड ५७ लाख ७ हजार रुपियाँ बजेटको लेखा परीक्षण गर्दा ७९ लाख ७२ हजार बेरुजु देखिएको छ । बेरुजुलाई सुन्यमा झार्ने गरि काम गरिरहेको गाउँपालिकाका प्रमुख प्रशासकीय अधिकृत अर्जुन चपाईले बताउनुभयो ।
यस्तै दोर्दी गाउँपालिकाको सुन्य दशमलब ९० प्रतिशत, राइनास नगरपालिकाको एक दशमलव २८, बेसीसहर नगरपालिकाको एक दशमलब ३४, सुन्दरबजार नगरपालिकाको एक दशमलव ८५ प्रतिशत बेरुजु देखिएको छ । यसैगरी मध्यनेपाल नगरपालिकाको दुई दशमलव ३८, क्व्होँलासोथार गाउँपालिकाको दुई दशमलव ७२ र दुधपोखरी गाउँपालिकाको तीन दशमलव ९० प्रतिशत बेरुजु देखिएको महालेखा परीक्षकको कार्यालयले सार्वजनिक गरेको ६२ औं प्रतिवेदनमा उल्लेख छ ।
प्रतिवेदन अनुसार दोर्दी गाउँपालिकाको १ अर्व २३ करोड ९९ लाख दुई हजार रुपियाको रुजु गर्दा एक करोड ११ लाख ३९ हजार रुपियाँ बेरुजु देखिएको छ । राइनास नगरपालिकाको १ अर्व २३ करोड ३८ लाख तीन हजार रुपियाँ हिसावको रुजु गर्दा एक करोड ५७ लाख ३८ हजार बेरुजु देखिएको छ । बेसीसहर नगरपालिकाको १ अर्व ७७ करोड १६ लाख नौ हजार रुपियाँको रुजु गर्दा दुई करोड ३६ लाख ९१ हजार, सुन्दरबजार नगरपालिकाको १ अर्ब ५३ करोड ३३ लाख आठ हजार रुपियाँको हिसाव रुजु गर्दा दुई करोड ८३ लाख ८४ हजार रुपियाँ बेरुजु देखिएको छ ।
यसैगरी मध्यनेपाल नगरपालिकाको १ अर्व ४२ करोड तीन लाख नौ हजार रुपियाँको रुजु गर्दा तीन करोड ३३ लाख ४६ हजार रुपियाँ बेरुजु देखिएको छ । क्व्होँलासोथार गाउँपालिकाको ७५ करोड एक लाख ११ हजार रुपियाँको परीक्षण गर्दा दुई करोड चार लाख ३६ हजार रुपियाँ बेरुजु देखिएको छ । दुधपोखरी गाउँपालिकाको ८१ करोड ५ लाख ४७ हजार रुपियाँको परीक्षण गर्दा तीन करोड १६ लाख १५ हजार रुपियाँ बेरुजु हिसाव देखिएको महालेखाको प्रतिवेदनले देखाएको छ ।
लमजुङमा आर्थिक वर्ष २०७८÷०७९ मा २२ करोड ५ लाख ५७ हजार रुपैयाँ, आर्थिक वर्ष २०७७÷७८ मा २१ करोड ६५ लाख १३ हजार रुपैयाँ र आर्थिक वर्ष २०७६÷०७७ मा २४ करोड ७२ लाख ८६ हजार रुपैयाँ बेरुजु देखिएको थियो ।
