लमजुङ । लमजुङको दोर्दी गाउँपालिका भित्र रहेका सबै सरकारी कार्यालयमा विद्युतिय चुलो प्रयाेगमा ल्याईने भएकाे छ ।
दोर्दी गाउँपालिकामा उत्पादित विद्युत दोर्दीमै खपत गर्ने र ग्याँस दाउराकाे उपभाेग घटाउने उद्देश्यले पहिलो चरणमा गाउँपालिकामा रहेका सबै सरकारी कार्यालयमा विद्युतीय चुलो निशुल्क वितरण गरिएको छ ।
विहिबार एक कार्यक्रमका विच गाउँपालिकाका अध्यक्ष युवराज अधिकारीले विद्युतिय चुलो वितरण गरेका छन् । पहिलो चरणमा पालिका भित्र रहेका स्वास्थ्य चौकी, प्रहरी कार्यलय, वडा कार्यलय, विद्यालय लगायतका ७४ वटा सरकारी कार्यालयको लागि विद्युतीय चुलो बितरण गरिएको छ ।
दोर्दी गाउँपालिकाले पालिका भित्र निर्माण भएका हाइड्रो पावरको विद्युत पालिकामा नै प्रयोग गर्ने उद्धेश्यले प्रतिगोटा १० हजार ७ सय पर्ने दुई मुखे विद्युतिय चुलो वितरण गरेको अध्यक्ष अधिकारीले बताए। यसको प्रयोगले बातावरणिय प्रभाव राम्रो हुने, बनजङ्गल फडानी कम हुने तथा ग्यासको पैसा बाहिर जान राेकिने अधिकारीले बताए । ग्याँसको प्रयोगको तुलनामा विद्युतिय चुलोकाे प्रयोग गर्दा खर्च आधा घट्ने र स्वास्थ्यमा समेत लाभ हुने अध्यक्ष अधिकारीले बताए।
दोर्दी गाउँपालिकामा मात्रै ६ वटा जलविद्युत परियोजना निर्माण सम्पन्न हुँदा १ सय २४ मेगावट विद्युत उत्पादन हुदैं आएको छ । उत्पादित सबै विद्युत राष्ट्रिय प्रसारण लाईनमा जोडिएको छ । दोर्दी गाउँपालिकामा सबैले विद्युतिय चुलोको प्रयोग गरेमा करिव ४ मेगावट विद्युतले पुग्ने बताइएको छ । पालिकाभित्र बसोबास गर्ने सबैलाई अनुदान छुटमा विद्युतिय चुलो वितरण गर्ने योजना रहेको अध्यक्ष अधिकारीले बताए ।
यसैगरी, दोर्दी गाउँपालिकाभित्र नेपाल विद्युत प्राधिकरणबाट २ करोड ५० लाखको टेन्डरमा थ्रिफेज लाईनमा कालो तार फेर्ने र २५, ५० र १०० को गरी १२ वटा ट्रान्सर्फमर राख्ने काम भैराखेको अध्यक्ष अधिकारीले जानकारी दिए ।
मर्स्याङ्दीमा आठ कक्षासम्म स्थानीय पाठ्यपुस्तक
लमजुङ । लमजुङको मस्र्याङ्दी गाउँपालिकाले आधारभूत तहमा अध्यापनका लागि स्थानीय पाठ्यपुस्तक निर्माण गरेको छ । कक्षा १ देखि ८ सम्मका...
