लमजुङ । आइतबार दिनभरको वर्षाले बाढी र पहिरो आउँदा डुम्रे– बेँसीसहर–चामे सडक अवरुद्ध भएको छ । योे सडकअन्तर्गत बेँसीसहर नगरपालिकाको वडा नं. १ उदीपुरको अँधेरीखोलामा बाढीले र दलालमा पहिरो आउँदा आइतबार दिउसोबाट सडक अवरुद्ध भएको जिल्ला प्रहरी कार्यालयले जनाएको छ ।
प्रहरी निरीक्षक टुलबहादुर श्रेष्ठका अनुसार लगातारको बर्षाले दिउसाे चारबजेपछि पहिरो खस्ने क्रम सुरू भएकाे थियाे । पहिराे र बाढी राती अबेरसम्म नरोकिएकाले पहिरो हटाउन समस्या परेको छ । पहिरो गएको स्थानमा सडक विभागको डोजरले पहिरो पन्छाउने काम गरिरहे पनि बर्षाका कारण पहिरो खसिरहेकाले सडक खुलाउन नसकिएको उनले बताए ।
बर्षाका कारण उदीपुर बजारमा रहेको खोल्सामा बाढी आएको छ । यसबाहेक अँधेरी खोला र दलालको सैनिक ब्यारेक अगाडि समेत बाढी र पहिरो आइ सडकमा ठूलो मात्रामा गेग्रान थुप्रेको छ । यसैगरि बेसीशहरको वडा नंं २ गैरीमा पनि बर्षाका कारण पहिरो सडकमा खसेपछि सडक अबरुद्ध भएको छ । पहिरोले ढुंगा माटोसंगै रुखसमेत सडकमा लडेपछि सडक अबरुद्ध भएको हो । प्रहरीका अनुसार त्यहाँ पनि पहिरो पन्छाउने काम भइरहेको छ ।
सडक अवरुद्ध भएपछि बेसीशहरबाट बाहिरिने र अन्यत्रबाट बेसीशहर भित्रिने सवारी साधन र यात्रुहरु यात्रु अलपत्र परेका छन् ।
उदीपुरमा दिउसाे ४ बजेदेखि सडक अबरूद्ध भएकाे हाे । अबरूद्ध सडक खुल्ने सम्भावना कम भएपछि अलपत्र परेका यात्रुहरूका लागि उदीपुर क्षेत्रमा बसाेबासकाे समस्या परेकाे थियाे ।
आन्तरिक पर्यटकको गन्तव्य सिरसिरे डाँडा
लमजुङ । वरीपरी सुन्दर डाँडा । फेदीमा देखिने सुन्दर सिउँडीबार र फुलबारी बजार । राष्ट्रिय झण्डा फरफराउँदै चल्ने सिरसिर हावाले...
